Янги Тошкент дирекцияси раҳбари 350 миллиард сўмлик буюртмани қариндошига тегишли компанияга берди(ми?)

Ушбу масалада тарқалаётган хабарлар юзасидан масъулларга депутатлик сўрови юборилди

Ижтимоий тармоқларда Вазирлар Маҳкамаси ҳузуридаги “Янги Тошкент шаҳрини барпо этиш дирекцияси” ва “GOLD STEP INVEST” МЧЖ ўртасида “Янги Ўзбекистон кўчаси ва 4Р12 магис­т­раль йўллар кесишувидаги йўл ўтказгич”нинг қурилиши учун тўғридан-тўғри, ҳеч қандай тендерларсиз шартнома тузилганлиги, бундай йирик лойиҳа коррупцияга, ўзаро таниш-билишчиликка асос­ланган ҳолда ҳал этилаётгани борасида хабарлар тарқалмоқда.

Ушбу масалага ойдинлик киритиш мақсадида “Адолат” СДПнинг Олий Мажлис Қонунчилик палатасидаги фракцияси аъзолари томонидан масъул идораларга депутатлик сўрови юборилди.

“Адолат” СДП Матбуот хизмати