1 декабрь — Қорақалпоқ тилига давлат тили мақоми берилган кун. Ушбу сана муносабати билан «Адолат» социал-демократик партияси Қорақалпоғистон Республикаси кенгаши томонидан Нукус шаҳрида жойлашган Республика қон қўйиш станциясида «Тил – миллат кўзгуси» мавзусида тадбир ташкил этилди.
Тадбирда партия Қорақалпоғистон Республикаси кенгаши раиси Нурлыбай Қаипбергенов сўзга чиқиб, электорат вакиллари ҳисобланган тиббиёт ходимларини байрам билан самимий муборакбод этди. «Адолат» социал-демократик партияси Сиёсий Кенгаши раиси Баҳром Абдуҳалимовнинг қорақалпоқ халқига байрам муносабати билан йўллаган эзгу тилаклари ва байрам табригини етказди.
Шундан сўнг тадбирда партия Қорақалпоғистон Республикаси кенгаши раиси ўринбосари, Ўзбекистон Ёзувчилар уюшмаси аъзоси, шоир Рауаж Отарбаев ўзининг «Она тилимсан» деб номланган янги шеърини ўқиб берди.
Тадбир сўнггида Республика қон қўйиш станцияси бош шифокори Айтмурат Тангрибергенов партия томонидан амалга оширилаётган бир қатор эзгу ишларга, жумладан, “Бор меҳримиз сенга, болажон!” шиори остида ўтказилаётган беғараз донорлик акциясига тўхталиб, тадбир ташкилотчиларига ўз миннатдорлигини билдирди.