Эл унутмас эл корига яраганни,
Қора кунда оқ ювиб-оқ тараганни,
Ватанини кўзга суртиб асраганни,
Сиз улуғсиз, сиз буюксиз, Шароф ота,
Сизга таъзим, сизга эъзоз, шараф, ота.
“Ота” деймиз, кўзимизга ёш келади,
Не касларга эгилган оқ бош келади,
Сафдошларнинг қўйнидаги тош келади,
Сиз улуғсиз, сиз буюксиз, Шароф ота,
Сизга таъзим, сизга эъзоз, шараф, ота.
Тарих ҳакам, вақт ҳукмини ўқиди, бас,
Кариллаган не-не зотлар йитди абас,
Сиз-чи, фақат юксакдасиз, ҳеч қўл етмас,
Сиз улуғсиз, сиз буюксиз, Шароф ота,
Сизга таъзим, сизга эъзоз, шараф, ота.