Донишманд йўлда бир одамни учратиб қолди. У оғир ва машаққатли меҳнатдан чарчаган, ҳолдан тойган эди.
– Ўзингни бунча қийнамасанг, – деди донишманд ачиниб.
– Ҳа, тўғри, ишим ва меҳнатим оғир. Аммо мен болаларим ва невараларим бахтли бўлиши учун ҳаракат қилаяпман. Отам шундай қилган, отамнинг отаси ҳам шундай қилган, отамнинг отасининг отаси ҳам оғир меҳнат қилган.
– Яхши, аммо айт-чи, санаганларингдан кимдир бахтли бўлганми?
– Йўқ, келажакда фарзандларимиз бахтли бўлади, насиб этса…
– Ҳамма гап шунда. Сен ўзинг бахтли бўлмасанг, фарзандларинг ҳам бахт нималигини билмай ўтиб кетади. Бахтли бўлишни ўзингдан бошла, бу сенинг фарзандларингга энг катта совғанг бўлади.
Бизни ижтимоий тармоқлар орқали кузатиб боринг!