Айни кунларда республикамизда «Яшил макон» умуммиллий лойиҳаси доирасида кўчат экиш давом этмоқда. Бу борада жалақудуқлик «адолат»чилар ҳам ташаббус кўрсатмоқда.
Партиямиздан сайланган маҳаллий Кенгаш депутатлари бошчилигида «Ёш адолатчилар қаноти» аъзолари 100 туп павловния дарахти кўчатларини экиб, «Адолат» боғини яратди. Сафдошларимизнинг ташаббусини туман ёшлари қўллаб-қувватлаб, ушбу эзгу ҳаракатга қўшилди.
***
«Яшил макон» лойиҳаси доирасида хоразмлик онколог партиядошларимиз ҳам фаоллик кўрсатишмоқда. Мазкур тиббиёт марказида кўчат экиш ишлари кўтаринкилик билан бошлаб юборилди. Ҳашарда муассаса ходимлари, «Адолат» СДП Хоразм вилоят кенгаши фаоллари ҳамда Хоразм телерадиокомпанияси, “Ўзбекистон 24” канали вакиллари иштирок этишди.
Шифо масканидаги 3 гектар боғни янада кўкламзорга айлантириш мақсадида онколог шифокорлар томонидан олиб келинган 200 га яқин мевали ва манзарали кўчатлар экилди.
Барнохон Бозорова,
Жалақудуқ туман кенгаши раиси,
Замира Абдуллаева,
Хоразм вилоят кенгаши матбуот хизмати