Тошкент шаҳар ҳокими Маҳкамаси мурожаатлар билан ишлаш бўлимига “Аdolat” газетаси таҳририятининг 2023 йил 28 февралдаги 5-сонли мурожаати келиб тушган бўлиб, унда газетада эълон қилинган мақолада жамоатчилик вакиллари атоқли адиб ва давлат арбоби Шароф Рашидовнинг хотирасини абадийлаштириш мақсадида Тошкент шаҳрида унинг уй-музейини ташкил этиш бўйича амалий ёрдам сўрагани билдирилган.
1992 йил 6 ноябрда атоқли давлат арбоби, адиб Шароф Рашидов туғилганлигининг 75 йиллиги муносабати билан Ўзбекистон Республикаси Биринчи Президенти Ислом Каримов кўрсатмасига биноан Шароф Рашидов уй-музейи Жиззах вилоятида ташкил этилган. 2017 йил 27 мартда Ўзбекистон Республикаси Президенти Шавкат Мирзиёевнинг Шароф Рашидов таваллудининг 100 йиллигини кенг нишонлаш тўғрисидаги қарори имзоланган бўлиб, ушбу қарорга биноан музей замон талабларига жавоб берадиган тарзда қайта таъмирланган.
Юқоридагилардан келиб чиқиб, Шароф Рашидов уй-музейини Тошкент шаҳрида ташкил этиш масаласи юзасидан Ўзбекистон Республикаси Фанлар академиясига мурожаат қилиш мақсадга мувофиқлигини билдирамиз.
У.Умаров,
Тошкент шаҳар Маданий мерос бошқармаси бошлиғи.