Блогерлар керакми, деган савол сўнгги пайтлари кўп қўйилаяпти. Бир гап, исботи билан эшитдим. Битта блогер давлат ташкилотига 400 млн. сўмга у билан шартнома имзолашни шарт қилиб қўйибди. Улар ярмини таклиф қилишибди. Блогер норози: “энангни Учқўрғондан кўрсатаман” деяётган экан.
Вилоятларда блогерлар вилоят, туман ҳокимликларига камида 50 млн. сўмдан шартнома тарқатишади, пул тушириб беришмаса, яна “энасини Учқўрғондан кўрсатиш”га ҳаракат қилишади. Ҳамма жойда камчилик бўлади. Энг қизиғи, ташкилот раҳбарлари, ҳокимликлар бу пулни уларга ўз чўнтагидан эмас, сиз билан биз солиқ тўлаб, шаклланаётган давлат бюджети пулидан беришади. Шу миллионлаб пул шантажчи блогерларга эмас, балки мактаб, боғча, абгор ҳолдаги зўравонликдан жабр кўрганларга ёрдам бераётган реабилитация марказларига йўналтирилса, қанча савоб бўларди. Блогерликни касб қилиб олиб, журналистика соҳасига иснод келтираётган шантажчи, коррупция ботқоғига ботаётган бу кимсаларнинг фаолиятига жиддий эътибор қаратиш вақти келмадимикан?
Наргиз Қосимова, “Фейсбук”дан олинди.