Сўнгги вақтларда бутун дунёда коронавирус билан боғлиқ вазият мураккаблашмоқда. Кўплаб мамлакатлар касалликнинг “омикрон” штамми “нишони”га айланмоқда. Ушбу инфекция аввалги штаммлардан кўра енгилроқ, асорати кам, аммо тарқалиши жуда тез.
Юқори ҳарорат, йўтал, нафас қисиши кузатилганда, дарҳол оила шифокорига мурожаат қилинг!
2 метрли ижтимоий масофани сақланг, ниқоб тақинг!
Ҳар қандай дорини шифокор тавсияси билан қабул қилинг, ўзбошимчалик билан даволанманг!
Антибиотикларни шифокор тавсиясисиз қабул қилманг!
Тўғри овқатланинг, жисмоний фаол бўлинг, ҳар куни тоза ҳавода сайр қилинг!
Коронавирус аломатлари кузатилаётган шахслар билан мулоқотни чекланг!
Шахсий гигиена қоидаларига риоя қилинг, иш жойи ва хонадонингизни озода сақланг!
Зарурат бўлганда жамоат транспортидан фойдаланинг, имкон қадар аҳоли гавжум жойлар (бозорлар, вокзал)га борманг!